Bugun tuman hokimligi majlislar zalida Oliy Majlis Senati ishchi guruhi a'zolari hamda korxona va tashkilot rahbarlari bilan birgalikda o'quv seminari bo'lib o'tdi.

Seminarda xotin-qizlarning jamiyatdagi rolini oshirish, gender tenglik va oila masalalari bo‘yicha respublika komissiyasi tomonidan ishsiz xotin-qizlarni kasb-hunarga o‘qitish, bandligini ta‘minlash va xotin-qizlar faoliyat yuritadigan xunarmandchilik turlariga ixtisoslashgan klasterlar faoliyatini yo‘lga qo‘yish hamda jinoyatchilik va huquqbuzarliklarni oldini olish bo'yicha atroflicha fikr almashildi. Shuningdek, mavzu yuzasidan taklif va muammolar ko'rib chiqildi hamda yakunda ishtirokchilar mutaxassislardan o'zlarini qiziqtirgan savollarga javob olishdi.