Mehr nuri yog‘ar doim ko‘zingizdan, ustozlar,
Yursam deyman, bu tabarruk izingizdan, ustozlar.
Chin insonlik kitobiga baxt-u hikmat bitibsiz,
Odob ila bilim oldim so‘zingizdan, ustozlar.

Po‘lat Mo‘min.

Kecha 30-sentabr kuni “Nuroniy” jamg‘armasi Sariosiyo tuman bo‘limi rahbari S.Qosimov ishtirokida 64-sonli umumta’lim maktabida “1-oktabr - O‘qituvchi va murabbiylar kuni” ko‘tarinki ruhda nishonlandi.

Tadbirda ishtirok etgan “Nuroniy” jamg‘armasi Sariosiyo tuman bo‘limi rahbari S.Qosimov mamlakatimizda ta’lim sohasida kechayotgan islohotlar, xususan, o‘qituvchi va murabbiylarning nufuzini oshirish borasida amalga oshirilayotgan islohotlar hamda ustozlarning jamiyat taraqqiyotini ta’minlashdagi o‘rni xususida atroflicha to‘xtalib o‘tdi.

Tadbirda bir guruh faol o‘qituvchilarga faxriy yorliq va esdalik sovg‘alari topshirildi. Shundan so‘ng, maktab o‘quvchilari tomonidan tayyorlangan badiiy dastur namoyish etildi.