Ayni vaqtda Surxondaryo viloyatida amaliy tashrif bilan bo‘lib turgan Tatariston Respublikasi Raisi Rustam Minnixanov “Termiz xalqaro savdo markazi”ga tashrif buyurdi. 

Viloyatimiz hokimi Ulug‘bek Qosimov Tatariston Respublikasi Raisini Termizdan Afg‘onistonga yuklar o‘tkaziladigan maxsus yo‘lak bilan tanishtirdi. Shundan so‘ng, mehmonlarga “Termiz xalqaro savdo markazi”da amalga oshirilayotgan loyihalar, yaratilayotgan qulaylik va imkoniyatlar haqida taqdimot qilindi.