Viloyat hokimining tashrifidan so‘ng.

Surxondaryo viloyat hokimi U.B.Qosimov 2024-yil 9-martda Sariosiyo tumanida bo‘lib, tumanda ijtimoy-iqtisodiy, ma’naviy va boshqa sohalarda amalga oshirilayotgan islohotlar, mahallalardagi muammolar va ularning hal etilishi, yo‘l, kommunal xizmatlar ko‘rsatilishi ahvoli bilan tanishib, tegishli ko‘rsatma va tavsiyalar bergan edi.

Shunga ko‘ra, bugun tumani hokim Abduqodir Donayev tumanning Diydor mahallasi ichki yo‘llarida amalga oshirilgan asfalt yotqizish ishlarining sifat darajasini ko‘zdan kechirdi.

Yo‘llar sifatini yaxshilash borasidagi bu kabi bunyodkorlik ishlari bosqichma-bosqich barcha mahallalarda davom etadi. Bu esa, albatta, aholining hayot tarzi va kayfiyatiga o‘z ijobiy ta’sirini ko‘rsatmay qolmaydi.