Sariosiyo tumanida qor ko‘chish xavfi e’lon qilindi

Respublikaning tog‘li hududlarida 10—13 dekabr kunlari kutilayotgan yog‘ingarchilik hamda havo haroratining sezilarli o‘zgarishlari sababli qor ko‘chish xavfi e’lon qilindi.

Jumladan, Surxondaryo viloyatining Qumqo‘rg‘on, Sariosiyo, Uzun va Boysun tumanlarida xavf haqida ogohlantirish berildi.

Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rishlari so‘ralgan.