Aholi va ijtimoiy soha obyektlarini tabiiy gaz bilan taʼminlash maqsadida Surxondaryo viloyatida joylashgan avtomobillarga gaz qoʻyish kompressor shahobchalari (AGTKSH)ga yetkazib berilayotgan tabiiy gaz taʼminotini vaqtinchalik cheklash boʻyicha reja-jadval tasdiqlandi.

Rejaga koʻra, belgilangan AGTKSH juft kunlarida soat 7-00dan 15-00 ga qadar, ayrimlari esa toq kunlarida soat 7-00dan 15-00ga qadar tabiiy gaz bilan taʼminlanishi belgilangan.

Hurmatli isteʼmolchilar, amaliyotga joriy etilayotgan choralar vaqtinchalik boʻlib, munosib shart-sharoit paydo boʻlishi bilan barcha AGTKSH odatdagi ish tartibiga qaytadi.

Noqulayliklar uchun barcha isteʼmolchilardan uzr soʻraymiz.